Қаратерек орта мектебінде құрылған жоспар бойынша көктем мейрамы 8 наурыз Халықаралық әйелдер күніне арналған көптеген және әртүрлі мерекелік іс-шаралар өтті.
Атап айтсақ, 2 – 7 наурыз аралығында Сарсенова А.А. мен Бегалина А.С.«Көктемнің алғашқы мейрамы», «Ақ жарқын – жан анам» атты балалар суреттерінің көрмесі ұйымдастырды. «Көктемгі сыйлықтардың биі» атты шеберлер арасындағы көрме – жәрмеңке өтті.
Өзін-өзі тану пәнінің мұғалімі Бегалина А.С. «Әнім де сен, жырым да сен Ана» атты өзін-өзі тану пәні бойынша ашық сабақ өткізді.
9-сынып жетекшісі Касымбекова С.М. «Білектей арқасында өрген бұрым...» атты тарихи танымдық шара ұйымдастырды. Барлық сыныптар белсене қатысып,әр сынып ана жайлы көріністерін көрсетті. Ең жақсы,мазмұнды көріністі 7-8сынып оқушылары көрсетті.
Әр сынып «Жан жылуын, Ана сенен табар ем» деген тақырыпта ертеңгіліктер ұйымдастырып,аналарын, әжелерін шақырды. Өзқолдарынан жасаған сыйлықтарын тарту етті.Дене шынықтыру мұғалімі Усаев А.И. қыздар арасындағы шағын спорттық жарыс өткізді.
Наурыздың 7-сі күні барлық аналарға арналған «Әлем әйелдермен әсем» атты мерекелік кеш өтті.
